إيطاليا من أكتر الأماكن اللي فيها أدلة تؤكد صلب و قيامة المسيح من الأموات ، في متحف هناك موجود شهادة الآثار ، وده عبارة عن لوح من النحاس مكتوب فيه حكم الملك بيلاطس اللي أمر فيه بصلب الرب يسوع ، ولأنه الملك فقراره مكتوب على لوح من نحاس ، أما في مكتبة الفاتيكان فموجود فيها صورة التقرير اللي بعته الملك بيلاطس لقيصر حاكم الإمبراطورية الرومانية ، والتقرير ده في الأسباب اللي خلّت بيلاطس يأمر بصلب الرب يسوع . كمان الكفن اللي أتلف بيه جسد الرب يسوع و ده موجود في تورينو في إيطاليا و العلماء أثبتوا إن الكفن ده بتاع الرب يسوع .

كرنيليوس تاسيتوس ده مؤرخ روماني عاش في القرن الأول الميلادي كتب كتاب عن تاريخ الإمبراطورية الرومانية وأتكلم عن حريق روما ، وإزاي إن في ناس مسيحين كتير ماتت لأنهم كانوا بيحبوا يسوع المصلوب . ماحدش هيضحي بحياته لأنه مؤمن بكذبة. صعب جدا إن مجموعة من الناس تضحي بحياتها عشان كدبة ، هم كانوا مصدقين إنه حقيقي قام وده أتأكد لهم بسبب الظهورات اللي حصلت بعد القيامة وممكن تقراها علشان تتأكد، الرب يسوع ظهر 14 مرة بعد القيامة 11 مرة قبل صعوده و 3 مرات بعد صعوده للسما .

  1. مريم المجدلية لوحدها (يوحنا 4:20)
  2. مريم المجدلية و مريم الآخرى (متى 28 : 9 ،10)
  3. لسمعان بطرس ( لوقا 24 : 34)
  4. لتلميذي عمواس (لوقا 24 : 13 – 25)
  5. للتلاميذ العشر في العلية .( لوقا 24 :36) (يوحنا 20 : 12)
  6. للأحد عشر تلميذ (يوحنا 20 : 26-28)
  7. لبعض التلاميذ على بحيرة طبرية (يوحنا 21)
  8. للأحد عشر تلميذ على جبل الجليل (متى 28 :16)
  9. لأكثر من خمسمائة أخ دفعة واحدة ( رسالة كورنثوس الأولى 15 : 6)
  10. ليعقوب أخي الرب ( رسالة كورنثوس الأولى 15 : 7)
  11. للتلاميذ على جبل الزيتون عند صعوده ( لوقا 24 :50) (أعمال الرسل 1)
  12. لأستفانوس (أعمال الرسل 7 :56)
  13. لشاول الطرسوسي ( أعمال الرسل 9 : 1-3)
  14. للرسول يوحنا في جزيرة بطمس (رؤيا يوحنا 1 : 9-13)


الحاجة المشتركة في كل الظهورات دي هو التغيير الجذري لحياة كل اللي ظهر لهم المسيح ، و تأثير نشرهم لرسالته موجود لحد النهاردة هو قام .. وحي ..