و انا صُغيره كنت دايماً بسأل هيحصل ايه لو حد مؤمن طول حياته بس مات و هو بيعمل خطية فى نفس اللحظه... كبرت شوية و فهمت ان صعب اوى تبقى هى دى الطريقة اللى الله بيتعامل معانا بيها.. ان فى دفتر حساب و لو قفل على خطية نبقى فى الجحيم. الله من البداية كان عايزنا فى علاقة. كان عايزنا عيلة .. بيتمشى معانا و يكلمنا. بس لما احنا اخترنا ننفصل. كان لازم يبقى فى حل يبررنا اخلاقياً من الخطية. كان لازم حل قضائي "يدفع ثمن الخطية" و لازم مشوار نمشيه نتغير فيه للصورة اللى كنا المفروض نبقى عليها قبل ما ننفصل. الله تجسد فى يسوع المسيح و قرر يربط نفسه بينا .. فالدين اللي علينا بقى بتاعه و عليه.. ودفع ثمنه على الصليب و برر موقفنا القضائي إلى الأبد!.. لكن القصة مش بتخلص هنا.. المسيح بيقوم و بحياته ينفع يبقى لينا وَنَس و رجاء فى رحلة التغيير اللى بنرجع فيها لتصميمنا الاصلى.