"ريك وارين" قال إن التغيير يتطلب اختيار. و الاختيار هنا مش معناه انك اختيار التغيير كفكرة أو تمني التغيير فقط. لكن يقصد أن التغيير يتطلب اختيارات واعية فى اتجاه النمو. يعنى مثلاً لو انا عايزه ابطل شوكلاته؛ انى عايز ابطل ده مش هيخلينى ابطل، لكن التغيير اللى" وارين" بيتكلم عليه هو انى اعمل اختيار انى مش هروح جنب قسم الحلويات و انا فى السوبرماركت.

كتير بنتخيل أن التغيير اللي الله بيعمله في حياتنا بيبقى بالعصاة السحرية و يتطلب منى بس انى اطلب من غير اى تعب او جهد. لكن في الحقيقة، في معظم الوقت بنحتاج نتعب ونشتغل و تختار اختيارات واعيه عشان نوصل مع الله لتغيير نفسنا.

الله بيسند فى التغيير.. الله بيدعمنى و يخلينى مفقدتش الامل.. الله بيطبطب عليا ويدينى سلام اما اقع واغلط في نص الطريق. معجزات الله و لمساته الشافية هى  طول المشوار، لكن عمرها ما بتمحي المشوار.