إنجيل يوحنا فيه ٧ نصوص مشهورة فيهم يسوع بيقول فيهم ”أنا هو“. في لغة يسوع الأرامية تعبير ”أنا هو“ كان بيتنطق ”أهَيهْ“ وده الطريقة اللي الله أعلن بيها اسمه وذاته لموسى في العهد القديم (خروج ٣). وكل جملة كانت بتتبع أنا هو في إنجيل يوحنا كانت بتشاور على وعد من وعود الله لشعبه في العهد القديم. أي مستمع يهودي من القرن الأول كان فاهم إن يسوع بيقول عن نفسه إن هو يهوه إلههم جه وسطهم عشان يحقق وعوده.


عشان كدة لو قريتوا النصوص دي هتلاقوا إن رد فعل الناس بيكون متطرف في اتجاه من الإثنين، يا إما يحبوه ويعبدوه أو يكرهوه ويحاولوا يقتلوه. لأنه ماكانش مجرد نبي بيشاور على ربنا، هو كان بيقول عن نفسه إن هو ربنا.