في واحد من الأفلام، كان لص يحتجز رهائن في بنك، وحب واحدة من الرهائن وقالها "أنا بحبك" وهو ماسك السلاح قدامها، وهي بسرعة جدا قالت له"وانا كمان بحبك".

فرح اللص جدا وعاملها بكل اهتمام وكرم لكن البنت في السر قالت لصاحبتها انها طبعا "بتمثل" الحب وانها بتحبه "غصب" و"تغصب" وبمجرد الخروج من هنا هتهرب منه.

وطبعا كل ده متوقع ومنطقي .. لكن ليه؟

الإجابة ببساطة إن "الحب يقتضي الحرية"

واي تفكير سوي ومنطقي هيفهم الحقيقة دي.

و للسبب ده خلق الله الإنسان "حر" ومنتظر من الإنسان أنه في المقابل يحب الله بكل إرادته بدون "غصب" أو تغصب.

ولكن ما علاقة هذا بالشر؟

المشكلة الوحيدة ان الشر هو واحد من الأعراض الجانبية للحرية، لأن من لم يختار الله بكل حريته فهذا معناه انه اختار الشر بكل حريته وارادته.

والله الذي منح الإنسان حرية اختياره، منحه أيضا حرية رفضه.

ومن هنا ظهر الشر