هل شر البشر ليه علاقة بربنا ولا بالبشر نفسهم؟ مش الانسان عنده حرية، يبقى اللى عايز يعمل حاجة يعملها بحريته؟

هو هل ربنا فعلا بيسمح بالكوارث و الشر ولا ده اختيار البشر؟ لو انا قررت اقتل، مين المسؤل؟ ايه الي دخل ربنا في المعادلة؟


فين معنى الحرية لو كل مرة ربنا هيشوف حاجة مش عاجباه يمنعها؟ كدة حرية الإنسان بقت معتمدة على ارادة ربنا مش حرية مطلقة.

لا معنى أنه يكون ربنا شايف انه الانسان هيعمل حاجه مش عجباه فيسلب منه الحرية. كدة مابقتش حرية و اصبح استعباد و كل الناس مجبرة تعمل الصح، اذا فين الحرية في هذه الحالة؟


وجود الشر بمنتهى البساطة نتيجة حرية الإنسان فللأسف علينا مواجهته بس ربنا موجود، ربنا واقف في ظهر ولاده يحميهم ويعطيهم ما يحتاجون إليه لمواجهة هذه الصعوبات، مش ربنا كمان عنده حرية؟ يقدر يجتاز هذه الصعوبات دي معنا و يشكلنا من خلالها ليصنع مشيئته لا مقاصد الاشرار.


 دانيال اترمى في جب الأسود و لن يمنع الله حرية من فعلوا هذا لكنه استعمل حريته في حماية دانيال. ومثل تاني هو أتون النار.