الكريسماس من أحلى الأعياد اللي بنستناها من سنة لسنة وبننزل نجيب شجرة ونزيّنها وهدايا وعزومات وعديات. وحتة بنروح الكنيسة ويكون عندنا برنامج مخصوص وكورال ترنيم واحتفالات. وسهل وسط كل الهيصة دي ننسى سبب الاحتفال الحقيقي.


إن في وقت مميز جدًا في التاريخ، إله الكون قرر ييجي يعيش على الأرض، ولما جه ماكانش في احتفال وماحدش كان مستعد يستقبله، وبالعكس ناس كتير ماقبلتوش وعاش حياة بسيطة ومغمورة لمدة ٣٠ سنة. ولما ابتدى خدمته واجه معارضة كتير على كل حاجة قالها وعملها. وفي الأخر الناس اللي هو جه عشانهم قتلوه. لكن في أقوى استعراض للحب في التاريخ كان بيغفرلهم. 


الكريسماس هو الوقت اللي بنفتكر فيه إزاي الله حبنا وجه عاش معانا عشان يتحد بينا في إنسانيتنا فا نقدر نتحد بيه ونعرفه ونحبه. ولازم دايمًا ده يكون مركز اهتمامنا. أشجعك تقرا الأناجيل وتتعرف على يسوع وأنت بتحتفل بالكريسماس السنة دي.