الله .. لفظ درسه كتير من الفلاسفة و العلماء. لفظ اختلف على تفسيره ناس كتير اوي. ناس تقول انه موجود و ناس تقول ده اسطورة. ناس بتقول موجود و بيتفاعل و ناس بتقول موجود بس منعزل و صامت. فلاسفة كتير زي "سقراط،" "افلاطون،" "كانت،" "ديكارت،" و "أرسطو،" صدقوا إن في الله. بس برضه عكسهم فلاسفة كتير: "زكي الأرسوزي،" "كومت،" "ماركس،" "ميل،" "سبنسر" "ونيتشه،" قالوا إن الله خرافة و اسطوره الناس خلقتها. قدام الاختلاف في الراي ده بسأل نفسي.. هو لو فيه اله فعلا قادر و عمل الكون ده: هو فين؟ هو فين من اختلافات الرأي عن وجوده أو عدمه؟ فين من اختلافات الرأي عن تواصله مع البشر أو انعزاله؟ هو فين من الأدلة العلمية ضد وجوده؟ فين من آلاف الأديان اللي في العالم؟ و لو موجود فعلا، ازاي قادر يقف و ميعملش حاجه؟ ازاي سايب ناس تعيش و تموت مصدقين أدلة “منطقية عن عدم وجوده؟” ازاي واقف يتفرج علي البشر و هما بيدعوا انهم فاهمينه و عارفينه. ازاي مش بيعمل حاجه؟ ازاي بيقف ساكت قصاد العلم اللي كل يوم بيحاول يؤكد انه مش موجود؟