الخطية داء البشرية
رغم انها مش مرئية
لكن ياما دمرت شعوب و بيوت في تاريخ الإنسانية
ياما خدعت عقول كانت يتقال عنها زكية
ياما فسدت علاقات بدت جميلة ومشفية
الكل زاغ وفسد والخليقة بتئن
و مستنية علاج يُصلح القلب والنفسية
بعد ما اتعودنا نخفي آثار الخطية
بأوراق تينية مزيفة و وقتية
لكن في ال عنده العلاج والحلول الجذرية
في ال يقدر يزرع قلوب جديدة و لحمية
يقدر يغير طبيعتك ب طبيعة إلهية
يقدر يحرر من قيود قهرية
استمرت سنين في ذل و عبودية
يقدر يعطي حياة أفضل و تعويضية
بس لو نتخلى عن الحلول الأرضية
ونعترف بالخطية
نرفضها بتوبة حقيقية
ونقبل أن الخلاص
بدمه ده عطية مجانية