سؤال بيشغل كتير مننا هو:“أعمل إيه عشان أروح السما؟“ وكل الأديان بتدي نوع من القوانين الأخلاقية اللي الشخص محتاج يمشي عليها عشان يوصل للسما.

لكن المسيحية بتعمل حاجة مختلفة شوية عن بقية الأديان. المسيحية بتقول إن مش الهدف هو اتباع القوانين الأخلاقية دي عشان توصل للسما، لكن إنك تكون نوع شخص صالح من جواك للدخول في علاقة مع الله ده هينتج فيك أعمال أخلاقية حسنة مش العكس.


في الفيديو ده بنسمع تطويبات كتير مختلفة. كلمة ”طوبى“ معناها ”مبارك“ أو ”يا بخت“ ولو سمعت التطويبات الكتيرة المقروئة في الفيديو هتاخد بالك إن غالبًا مافيش ولا حاجة فيهم بتمثل قانون أخلاقي، لكنها كلها حاجات بتشاور على قلبك ودوافعك وأنت بتعمل حاجات مختلفة. ربما الصفة المشتركة ما بينهم كلهم إنهم بيوصفوا شخص مش متمركز حول ذاته لكن دايمًا قلبه مشغول بغيره وبالله. الكتاب المقدس مش بيقول: ”اعمل الحاجات دي عشان تروح السما“، لكنه بيقول يا بخت الناس دي لأنهم بيجيبوا السما على الأرض