الأقنعة ..الأقنعة أول و أسهل أداة استخدمها آدم و كل البشرية من بعديه عشان نخبي عري الخطية و قبحها ..

قد ايه ابليس بارع في التنكر و غني في تنوع الأقنعة الي عنده..و يلبسها لك من كل لون و نوع

 بعد ما يوقعك ويعريك.

 

كلنا اضطرنا نلبس أقنعة في نص الطريق عشان نخبي نتايج خطايا وقعنا فيها وبقي القناع جلد تاني لينا بيحسسنا بالقوة و الأمان و إن كانت مزيفة ..لكن عاجلا أم أجلاً القناع ده بيقع و ورقة التين دي بتجف و بيبان عري الإنسان

 وضعفه الحقيقي 

مش مهم القناع ده اتلبس أو اتحط عليك إمتى لكن المهم تكون عايز تقلعه الكتاب بيقول في سفر رؤيا " اذكر‏ ‏من‏ ‏أين‏ ‏سقطت‏ ‏وتب

  

أول خطوة للعلاج إن الواحد يعترف بالمرض

 

إعترف و إكشف للرب عن ضعفك قوله يا رب اعوجت المستقيم.. قوله ليس ساكن فيا شيء صالح ..قوله ليس فينا قوة و لكن نحوك أعيننا .. قوله أنا مش قادر أسيب حياة الظلمة دي لكن إنت تقدر تكرهني فيها و تديني نصرة وغلبة على أي خطية في الخفاء مخلياني محبوس و أسير لقناع الزيف والرياء

"بل قد رفضنا خفايا الخزي، غير سالكين في مكر، ولا غاشين كلمة الله، بل بإظهار الحق ، فلنخلع أعمال الظلمة ونلبس أسلحة النور" ٢ كورنثوس ٤: ٢