الايمان. مش عارفة ابدأ ازاي لكن فعلا زي ما دكتور شادي قال الايمان ركن من أركان الحياة. في أغلب مواقف حياتنا بنعمل حاجات و نتفاعل مع حاجات و بنقول حاجات مبنية على الإيمان و التصديق لكن و مش اعتمادا علي فهمي هي ماشية ازاي أو ازاي . ظهرت النتيجة اللي أنا شايفها و حاسسها دي..

لكن ياريت الموضوع كان سهل بالنسبة للإيمان بالله. فعلا صعبة. لأننا مش بنحس الله بحواسنا الجسدية و العالم مش دائما انعكاس لصورة الله. فما تقسهاش على نفسك.

الله يقبل تساؤلاتك. هو عارف ان الموضوع مش سهل و علشان كده طوب اللي امن من غير مايشوف (مش من غير ما يقتنع) . الذي يبهرني في الله و بيجسد طريقة تعامله مع عدم إيماننا هي قصة يسوع مع توما التلميذ. توما بعد القيامة مصدقش ان التلاميذ شافوا يسوع و قال مش هصدق الا لما اشوفه. لو القصة وقفت هنا، و لسبب اللي بنسمعه من الناس لما نقول لهم اننا شاكين، هتتخيل أن يسوع بيقول "ماشي يا توما...بتجربتي؟ طب مش هتشوفني." لكن يسوع معملش كده...يسوع جه لتوما و زي ما توما اشترط، يسوع مسك ايده و حطها مطرح الجرح. يسوع عارف اننا ساعات كتير إيماننا هيضعف و هنقع لكن يسوع عايزك، عايز يجاوبك. من فضلك ماتخليش رد فعل اللي حواليك وقت شكك يبعدك عن يسوع. روحله. يسوع بيجاوبك من الكتب و بيتناقش معاك و يوضحلك بالمنطق. إلهنا إله حكيم كله فكر و أهم حاجة كله صبر. هايسمع للاخر ومش هيحس ان شكك و ساعات هجومك عليه تعدي للحدود لكن هو خالقك بذهن بيفكر و بيحترمك و بيحترم تفكيرك. أرجو ان مايبقاش كلامي مايع أو مدفوع بالمشاعر لكن أرجو انكم تثقوا اني انا جربت اللي باقولها لكم. ياما شكيت و وقعت وحسيت ان دي اخر الدنيا لكن لما سألت و دورت عند يسوع سمعت رد حتى لو ماقتنعتش للآخر لكن هديت لحد مالاقي باقي الاجابة.

لكن ارجوك متظلمش نفسك و ربنا في انك تشك لمجرد انك عايز تشك. يوم ما تشك اقرأ. دور و ابحث، ابذل مجهود و هتلاقي نتيجة يا اما هتقتنع يا اما تثبت على موقفك لكن بوجه حق.

ليه بقى الايمان؟ ساعات كتير كنت باحس طب ليه يارب يعني؟ ما الإيمان حاجة صعبة. و بعدين الإيمان مكتوب ان بدونه لا يمكن ارضائك...طب كده الإيمان شرط لمحبتك...

اولا الإيمان شرط علشان نشوف الله و نرضيه، علشان دون الإيمان هتقول: ازاى ان الله موجود! و لو بالنسبة لك هو مش موجود هتروحله على أي أساس؟ لكن الايمان مش شرط علشان الله يحبك. هو بيحبك محبة غير مشروطة.

تاني رد واقعي بالنسبة لي على سؤال ليه الايمان: تخيل مثلا ان المعجزات اللي هي اقامة أموات و شفاء و اخراج شياطين و نقل جبال منغير ايمان؟ تخيلت؟

سرك قومي.