في محاولة للبحث عن أقوال مأثورة عن السعادة وجدت ما يقرب من 15000 قول مأثور!

بل ممكن يكون أكثر من ذلك بكتير.

لأن كل انسان عايش أو عايش أو هيعيش على وجه الارض بيدور حوالين حاجة واحدة بس.. السعادة!

بينجح وبيحقق نفسه لأن ده بيحقق له السعادة.

بيشتغل كتير ويجمع فلوس لأنها بتحقق له السعادة،

بيدور على مراكز عالية، شهرة كبيرة، مشاعر حتى ولو مزيفة، علشان السعادة.

والحقيقة انها فعلا حاجات بتحقق السعادة، لكن مع مشكلة واحدة ومهمة..

ان كل السابق معتمد على أشياء أو أشخاص..

وبغيابهم بتغيب السعادة.

وده بيوصل الانسان لحالة جوع وعدم شبع دائم.

عاوز فلوس كتير خايف الفلوس تخلص وتختفي السعادة.

والأصدقاء الكتير والتضحيات رهيبة .. فقط من أجل التأكد من دوام السعادة.

حاجة تخوف..

لكن هل في حل تاني؟ أو هل في سعادة من مصدر مختلف؟