ليه الله ميعملش بيان على السحاب انه موجود؟ او يظهر للناس كلها بطريقة تقنعهم ان هو موجود و انه هو الله الحقيقي؟ بصراحه الاسئله دي كانت جوايا كتير اوي.. و ساعات و انا بشوف الناس بتبعد او بتعمل شر بحس "ليه يا رب مينفعش تعمل حاجه قويه كده تخليهم يصدقوا" لحد ما مره سمعت حد بيقول حاجه خلتني افكر فالموضوع ده بطريقه مختلفه: الشخص ده كان بيقول ان لو انا بلعب مزيكا و جالي مثلا عازف مشهور اوي زي "يانّي" قالي العب القطعه دى بطريقة مختلفة... بس انا شايف ان الطريقه بتاعتي احسن… هل وجود ياني في المكان هيأثر علي حريتي ان العب زي ما انا عايز؟ في كتاب "رسائل خربر" للكاتب "سي. اس. لويس" اللي فيه بيتخيل حوار بين شيطان صغير مع شيطان اكبر، بيجاوب علي السؤال ده. فبيقول إن أبسط حضور الله الكامل بشكل ما... بيسحب من الانسان القدرة على الاختيار و دة عكس خطة الله للبشرية. لو الله استخدم طريقه لا يخُتلف عليها عشان يوصلنا.. يبقى بيحرمنا من كوننا كائنات حرّة تختار تعبده او ترفضه. ايوه! الله ساعات بيبان مش واضح و مختفي.. لكن فكر ايضاً... هل احنا ندور بطريقة محدوده؟ هل ممكن نكون شايفين الله فاماكن و ظروف و ناس و احنا مش واخدين بالنا اننا ننظر الله؟