هل تعلم ابنك اللي انت شايفه صح ولا هتسيبه يختار؟ لو علمته الي انت عارفه ده معناه انك تجبره على طريقة تفكير معين؟

هل يكون ظلم ليه لو انت شايف حاجة و ماقلتلوش علشان تسيبه يكتشف لوحده و يبني طريقة تفكيره لوحده؟


المشكلة مش في اللي بنورثه من اهلنا لكن الفكرة اننا نمتحن و نراجع المنظومة الفكرية اللي اتحطت في دماغي. انا مش مجبر امشي ورا الي انا اتعلمته.


أهم نقطة في كل ده هو ازاي اراجع المنظومة الفكرية اللي اتحطت في دماغي و اكون فاعل بدل مفعول بيه. وهنا يبان اهمية اني اختلط بناس مختلفة عني وبِتفكر بطريقة مختلفة عني.


كل مانفتح على طُرق تفكير مختلفة بتخلينا نراجع الي احنا بنفكر فيه لكن الفكرة اننا بنقاوم نفكر في اللي احنا مصدقينه يمكن من الخوف من المجهول و الي اعرفه احسن من اللي ماعرفوش لكن من حقك تفكر و ماتخدش اي حاجة زي ما هي 


فكر، متقاومش!